Yfirlestur ritgerða

Ég hef næmt auga fyrir málfari og stafsetningu og get tekið að mér yfirlestur ritgerða á íslensku og ensku. Ég hef starfað sjálfstætt sem prófarkalesari frá ársbyrjun 2018 en lesið yfir texta á íslensku og ensku í störfum við markaðssetningu allt frá árinu 2012, þegar ég fór út á vinnumarkað eftir háskólanám.

​

Í yfirlestri á ritgerð felst yfirferð á:

• málfari og stafsetningu

• skýrleika í framsetningu og stíl, flæði texta innan efnisgreina og samhengi milli þeirra

• röklegu og efnislegu samhengi og skipulagi innan kafla

​​

Mögulegt er að semja um yfirferð á fleiri þáttum, s.s. heimildaskrá, þýðingum úr íslensku á ensku eða uppsetningu á myndum og töflum.

 

Leiðbeinandi verð má sjá í verðskrá:

​

​

​​

​

​

​Lágmarksverð fyrir yfirlestur er 15 þúsund krónur. Að öðru leyti gildir verðskráin hér að ofan.

​

Munurinn á meðalþungum og flóknum texta fer eftir hve mikið þarf að leiðrétta. Ef lítið er um villur telst textinn meðalþungur, annars flókinn. Vinsamlega sendið mér sýnishorn af textanum svo ég geti metið það.

​

Farið er með öll gögn sem trúnaðarmál.

​

Ég tek einnig að mér þýðingar.

​

Úr umsögnum viðskiptavina:

„Hann fór vel yfir stafsetningu og öll tímamörk stóðust.“

„Guðmundur fær mín bestu meðmæli og myndi ég hiklaust leita til hans aftur.“

„Get ekki annað sagt en frábær þjónusta! Vinnur hratt og ofboðslega vel.“

„Guðmundur fór yfir MSc ritgerðina mína sem er á ensku. Virkilega hröð og góð þjónusta, öllum fyrirspurnum svarað strax og ítarlega farið yfir allar stafsetningar- og málfræðivillur. Fær mín bestu meðmæli.“

Sjá nánar hér.