Prófarkalestur og yfirlestur

Prófarkalestur er mikilvægt lokaskref áður en texti er tilbúinn til birtingar. Vandaður prófarkalestur getur komið í veg fyrir að texti sé birtur með innsláttarvillum, röngum beygingum og öðrum málvillum.

 

Í myndbandinu að neðan má sjá dæmi um algengar villur í ritgerðum og öðrum textum. Einnig er vert að benda á þessa samantekt á algengum villum í ritgerðum og öðrum textaskrifum. Þar má sjá dæmi um atriði sem vert er að hafa í huga við yfirlestur texta.

​

​

​

​

​

 

 

 

 

 

 

 

 

 

 

 

Ég hef næmt auga fyrir málfari og stafsetningu og get tekið að mér prófarkalestur eða ítarlegri yfirlestur á íslensku og ensku. Ég hef lesið yfir fjölda háskólaritgerða í ólíkum greinum, s.s. lögfræði, íþróttafræði og sálfræði. Einnig hef ég lesið yfir leiðarvísa, kynningarefni, námsefni og handrit að smásögum.

​

Verð á orð fyrir prófarkalestur

Leiðbeinandi verð sést í verðskránni:

​

​

​

​

​​

​

Lágmarksverð fyrir prófarkalestur í eitt skipti er 15 þúsund krónur. Að öðru leyti vísast í verðskrána hér að ofan. Ég óska eftir að sjá texta áður en ég tek verk að mér. Þannig get ég betur áttað mig á umfangi verksins og ákveðið gjald á orð. Með því að verðleggja yfirlestur á orð í stað þess að taka tímagjald skapast gagnsæi fyrir kaupendur, þannig að þeir geti gróflega áætlað kostnaðinn fyrir fram.

​

Munurinn á meðalþungum og erfiðum texta fer eftir hve mikið þarf að leiðrétta. Ef frekar lítið er um villur telst textinn meðalþungur, en ef villurnar eru hlutfallslega margar telst hann flókinn. Aðrir þættir á borð við tímapressu eða helgarvinnu geta líka haft áhrif á verð.

​

Farið er með öll gögn sem trúnaðarmál.

​

Ég tek einnig að mér þýðingar.

​

Úr umsögnum viðskiptavina:

„Hann fór vel yfir stafsetningu og öll tímamörk stóðust.“

„Guðmundur fær mín bestu meðmæli og myndi ég hiklaust leita til hans aftur.“

„Get ekki annað sagt en frábær þjónusta! Vinnur hratt og ofboðslega vel.“

„Guðmundur fór yfir MSc ritgerðina mína sem er á ensku. Virkilega hröð og góð þjónusta, öllum fyrirspurnum svarað strax og ítarlega farið yfir allar stafsetningar- og málfræðivillur. Fær mín bestu meðmæli.“

Sjá nánar hér.